ديوان الشاعر حامد زيد ... منقول اللا ستفاده

قصيدة التمثال :

عفا الله عن خطا غدر الخناجر والضلوع iiابطال
بسامح واتركك تحت الظلام الحالك iiلحالك
دخيلك وفر دموعك ترى هدر الدموع اذلال
وترى ما فيه احد يصبر مثل صبري iiبغربالك
انا عيب علي أنقض كلامي والرجال iiافعال
واذا قلت اقطع احبالك تراني بقطع iiحبالك
عشان اكسب هدب عينك تجرعت العذاب iiاشكال
وليتك ترأف بحالي علشان ارأف iiبحالك
مسوي في حياتي شي ما يذكر ولا iiينقال
حشا حتى العدو وهو العدو ما يعمل اعمالك
تمسيني على الهم وتصبحني على iiالغربال
تقلطني فناجيلك وتقصر عني iiدلالك
تحملت التعب لجلك وانا حملي يهد iiجبال
رحلت من العذاب وما وقفت الا على iiجالك
علامك كل ما جيك متواضع جيتني تختال؟
معاك اليا متي بصبر وصبري معك iiيحلالك؟
مثل ما اقبلت لعيونك لزوم تلد لي باقبال
ومثل ما قد حشمتك حس واحشم قلبي اشوى iiلك
أنا محدن بجابرني أساير معك iiهالمنوال
ترى لاني تبيع لك ولا ني باصغر iiعيالك
أنا جيت اعشقك نبض ومشاعر ما اعشقك (تمثال)
أنا جيت اسكنك واحياك وابقى فيك وابقى iiلك
أنا جيت بظما عاشق تعب يطرد سراب iiاللال
أنا جيت استفز رضاك من فرقاك والجا iiلك
أنا ما همت بك عاقل أنا كنت اعشقك iiبخبال
أنا ما كنت احبك حي أنا كنت اعشقك iiهالك
تخيل من كثر ما اخاف تلقى للزعل iiمدخال
أخاف اخطي على طيفك وادوس برجلي iiظلالك
تبعتك والعرب تتبع رعود البارق iiالهمال
وانا شفت المطر يتبعك في حلك iiوترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك iiواقبالك
أبي قلبك يحس انه فقد بمحبته iiرجال
ملكته من هدب عين وخسرت رضاه iiباهمالك
صحيح ان الفراق اقسى ولكن الوصال iiمحال
أنا صعبن علي أرضي غرورك واضعف iiقبالك
بعد ما حققت عيني فبعدك للرقاد iiامال
أعود للسهر؟ -- يا خوي فال الله ولا iiفالك!
ببدل نظرتك فيني واجي لك كل يوم iiبحال
بكون اقرب من ثيابك عليك ولا تهيا iiلك
بالمك وانثرك واجمعك وارجع وانثرك iiباهمال
بخونك وازعلك وارضيك وازعل منك وارضى iiلك
أبرسم بالثرى وجهك وابدفن صورتك برمال
أبشكي للعرب فرقاك واضحك عند iiعذالك
أبهديك الوصال فراق واهديك الفراق وصال
بسوي مثل ما شوفك تسوي وافعل iiافعالك
عشان تعرف من فينا الزعول ومن وسيع iiالبال
أبيك تذوق فنجالي وانا بذوق iiفنجالك
نصيحة واحتفظ فيها قصر معك الزمن أو iiطال
أبي تسمع كلامي زين وتحطه على بالك
اذا حبك هبال اطفال لك عندي هبال iiاطفال
ولا --- وابشر بعد بهبال حب ما هو iiبهبالك
واذا قصدك تهين اسمي عشان تشمت iiالعذال
ترى لا انته ولا غيرك --- ولا عشرة من اشكالك..

================================================== ==

قدها وقدود :

أنا ربتني الدنيا على جزل العطا والجود

ونفسي للوفا والطيب وفعل الخير جزامه
وأعارض منهج الهابط وأوافق للصعود صعود

وأسيّر نفسي بعقلي مدام النفس هدامه
ولا تثّر بي البسمة ولا كحل العيون السود

ولا يقوى على قلبي صغير الحسد وأجسامه
أردّ الجود بأمثاله وأقابل بالجحود جحود

وترى لا خير في رجلٍ يوطّي للردى هامه
وعندي مع أهل العِليا مواثيق وثلاث عهود

أوفي له مطاليبه وأودّه وأرفع أعلامه
أعايش مركب الدنيا على متن القدر مولود

أبعرف هو صحيح إنّ القدر بالناس دوّامه ؟
ومن وين الزمن مقبل وإلى وين الليال تقود

ومن في هالزمن يقدر يوجّه خطوة أقدامه
ومن له بالزمن غاية ومن عنده هدف منشود

ومن منّا قدر يعرف خفايا مقبل أيامه ؟
عرفت إنّ الشقا باقي ، عرفت إنّ الحسد موجود

عرفت إنّ القدر يفرض علينا بأسوأ أحكامه
لقينا بالعرب حاسد وشفنا بالعرب محسود

وبه ناسٍ لنا ضامت ، وبه بالناس منظامه
وينقص بعضنا خوّه وينقصنا وفاء وعود

مدام الحسد باقي وبعض الناس نمامه
ولا ترجى بها الدنيا من ربوعك يجيك اسنود

ولا تشره على رجلٍ عيونه خانت أقدامه
وقابل خطوة بخطوة وجازي بالصدود صدود

تناسى غلطة الصاحب عليك بلحظة اخصامه
ولا تخطي ترى لصبر الحليم اليا سلاك حدود

تروّى واعرف بضرب الحديد تفكك لحامه
تجنب كسرة الخاطر ولو حبل الزعل مشدود

تراك بكسرة الخاطر حكمت القلب بعدامه
ولا تزعل على رجلٍ بذل لك ولرضاك جهود

ولا تامن من الحاسد رضاه ورفعة ابهامه
نبي نصبر على الدنيا قلوبٍ بالحياة زهود

مدام إنّ البخت عيّت توّفق رمعة سهامه
وأنا ما قلتها راجي ولا أطلب بعدها مردود

ولكن الفتى ودّه يحقق جملة أحلامه
وبمشي لآخر الدنيا ولو كلّ الأنام اقعود

وعن وجه الزمن بكشف حقيقه وأرفع الثامه
صحيح إني صغير السن ولكن قدها وقدود

وأنا عندي مع الدنيا مواقف ترفع الهامه
طموحي يملي العالم ولابه للطموح قيود

مدام إن الأمل طبعي ( عرين وصرت ضرغامه )
خلقنا الله من ترابه ولأحضان التراب نعود

تحت رمل الثرى نبقى تغطي جسمنا خامه
سلفنا ما لحقناهم تحت قاع التراب رقود

ولا يبقي من الميت سوى ذكراه وعظامه
ولو طال العمر فاني وترى عمر الفتى محدود

وكلٍ يطلب المولى يبيحه يحسن ختامه
وأنا بلّغت بلساني وربي والأنام شهود

وصحف البيّنة جفّت وعنها رفعت أقلامه ....

================================================== ==

الدنيا بخير :

الظلام اليا تبرى من مدرات النهار

يبتدي عمره ضرير وينتهي عمره ضرير

والعيون اليا عماها حقدها تبقى صغار

ماتهادي مستواها غير للعقل الصغير

والدروب اللي نهاية وصلها ذاك المسار

ماتساوت مع طموحات الفهيم المستنير

من يميز في طريق الشر حسن الاختيار

من صرخ في كل قلب مظلم بصوت النذير

من قدر ياخذ بحق التايه الضايع قرار

من دفع عمره لحب الناس لو يبقي فقير

من يقيد لكل فزعه للندم همسة شرار

من يطفي بالقلوب المدمنة نار السعير

من خلقنا ماعهدنا غير حب الافتخار

نملك الصبر الكبير ونعشق الدرب العسير

همنا نرفع بلدنا مع صفوف الازدهار

ونتذكر يوم كان ترابها فرش وحصير

وللاسف عشنا وشفنا حرب درب الانحدار

حرب تشتيت القلوب وحرب تأنيب الضمير

حرب اقسى من حروب النار وحروب الدمار

حرب ابشع من نزيف الدم وبالسيف الشطير

بالسموم اللي تروج بالكويت بكل دار

السموم اللي تردوا من سبايبها كثير

والشباب اللي تمادوا في دروب الانتحار

اصبحوا فيها رهينة لعنة السم الحقير

يستغيثون بعمار النفس من نسف العمار

يرتجون وداع ظلما الليل للصبح المنير

صرخة المدمن تهيم وترتجي رفع الستار

رددت عند الهدف كلمة يصير أو مايصير

أشعلت بين الضلوع العوج بعد النور نار

وأدمعت كل العيون المشفقة دمع غزير

وامتلت كل الحناجر من صدى الصرخة مرار

وارتوت كل القلوب الضامية من زمهرير

آفة الإدمان زادت وابتدت بالانتشار

والوجوب إنا نحدد في تلاحمنا مصير

ناخذ اطراف القضية في عيون الاعتبار

ونرسم دروب النجاة وخطة الفوز الكبير

ونرسم خطانا وتكفي دمعة المدمن شعار

ويكفي إنا من ربوع المجد وأخوان الاسير

إن نوينا ما بغينا غير حرب وانتصار

وان ضمينا ما رضينا غير نروى من غدير

إتحدنا قلب واحد للهدب والاختيار

والفضل يرجع لربي ثم يرجع للامير

وعلموا من يفقد احساس الامل بالانتظار

الهدف لازال حي وتوها (الدنيا بخير)

================================================== ==

وش الي يجبر الشاعر :

انا والليل والعبرة وجرح وخاطر ٍمكسور

ونفس من هجير البعد والحرمان مقهورة
وقلب ظامي لشوفك ولايروى ظماه بحور

وعين تحتري لحظة غياب الطيف وحظوره
ونار تنطفي مره ومره تشتعل وتثور

واقول النار مقدورة وهي ما هيب مقدورة
حسبت الليل بغيابك يمرن الليال دهور

وكني شايل بقلبي ليال الوقت وشهوره
تصبرت وتقدرت وبنيت من الخيال قصور

إلين ان الجفا شد الركايب وانتهى دوره
تحريتك على درب القصيد من ثلاث شهور

وحشا ما مات لك غصن يشف الماي بجذوره
تخيرت الغرام وجيت لا راضي ولا مجبور

وجيتي تسبقين خطاك مرضيه ومجبوره
وانا ما كان لي رغبه أبين واكشف المستور

ولكن الجمال أكبر من الخفاق وشعوره
جمال وود وعيون ودلال وكبرياء شعور

وفتنة تخذل عيون النهار وينطفي نوره
ولك في خافقي صوره تلاشت بين ضي ونور

وأخاف اسكت من الفرحة وتنطق باسمك الصورة
عرفتك وانتهت رحلة قساوة دربي المهجور

والا يا جملة أيام الجفا والصد مشكورة
خذتني للجفا عزه واخذني للعناد غرور

واخاف اكون بعنادى حبيب ومات بغروره
وإذا كانت مسافات الخيانة للغرام قبور

وش اللي يجبر العاشق يخون ويحفر قبوره؟
وش اللي يجبر الشاعر يدور للشعر جمهور؟

مدام انتي محبينه وعشاقه وجمهوره

================================================== ==

رد السؤال :

انتبهت لدمعها بالهدب والكحل سال

لين جفت عينها دمع والقاع ارتوى

وابتدت لحضة جفا ونتهت لحضة وصال

وأنطفى نور السعادة واحسب انه ضوى

ما اكتفيت من الهوى والغرام أربع ليال

واقفت أيام التلاقي وجا وقت النوى

كنت ابلسى وابتسم والتفت عنها شمال

لا قويت الصد عنها ولا قلبي قوى

ما هقيت ان الهوى عذب قلوب الرجال

لين ضاع القلب مني وتفكيري سوى

رحت أدور دفوة الشمس ضيعت الضلال

جيت اطفي شعلة النار والقلب انكوى

ماهقيت ان السعادة خيال في خيال

تروى قلوب الحبايب وقلبي ما روى

كنت ابشتال الهوى والهوى ثقل الجبال

وان تحملت الجبل ما تحملت الهوى

كنت ابسلى بالهوى والهوى صعب المنال

ما رضا لي حظي اللي طواني وانطوى

قلت لا فراحي تعالي ولا قالت تعال

والخفوق ان قلت ابقبل على صدي نوى

الله أكبر لا شرقت شمس يتلاها زوال

كيف ابفرح في صباح مع الليال استوى؟

لاحصل بالحب قسمة ولا جا لي مجال

غير اشوف معاند الجرح وعناد الدوى

شبت النيران واقفت وجاء رد السؤال

ما تشب النار يا كود يوصلها هوى ..

================================================== ==

من تحت لي تحت :

تعرف الخطايا كيف كنت محروم

كان سود الليالي يوم طحت سمحت

لو هموم المفارق مثل كل الهموم

ماتشوفون عيني بالدموع سبحت

ولو تحن المشاكل عقب حب الخشوم

كان حبيت خشم المشكله واستحت

بين صدة عزيز وكبرياء مهزوم

عين شحت على وعينٍ استسمحت

بس مالله خلقني من بكاي معصوم

وادري انه المحاجر لو تفيض افضحت

والله اني على جرحي صبور وكتوم

لكن ان الدموع ان روحت روحت

اعذلتني ظروفي وانهكتني عزوم

والوجيه احزنت لي والقلوب افرحت

اشهد ان الليالي ماتعرف السلوم

قلب جافي لقاه ووجه صافي بحت

راهنتني تبلل بالدموع الكموم

ويشهد الله عليها راهنت واربحت

احرمت نور عيني من غلا ريم قوم

بذرةٍ وارتوتني واثمرت واطرحت

جادلٍ دوم ماهي مثلها كل يوم

استضاحت غموض وبالغموض اوضحت

دورت بين قلبي والهدب درب نوم

وامرحت وين مدري المهم امرحت

تنحت اسمي بقلبٍ جيت فيه معزوم

واسمها بين جلدي والعظام انحت

مثل جفني لعيني بالنعاس محكوم

كل مانمت نامت كل ماصحى صحت

ماتعارض كلامي غير عند اللزوم

بس لا قمت اسولف واندمجت سرحت

دايم ازعل عليها بس قلبي رحوم

وهي تموت بعذابي من تحت لي تحت

مثل وجه العلاقه في ثياب الخصوم

ان تطيبت طابت وان جرحت اجرحت

خصها الله بوصفٍ من خيال معدوم

لا اذان اسمعتبه ولاعيون المحت

كن ربي خلقها من بياض الغيوم

ومن كفوف السحابه بالورد القحت

عن سواها فرقها بالقمر والنجوم

وكل عذرى تباها بالجمال انزحت

بالحلا هي كوم وباقي الناس كوم

كفتٍ عادلوها بالبشر وارجحت

حسبي الله على اللي مابغاها تدوم

من بعد كيف كانت شوف كيف اصبحت

لاتحقق وصال ولا فراق محتوم

خطةٍ قربتني للفشل وانجحت

لعنة العشق تبقى مثل ضرب السهوم

لو محى الوقت جرحه صورته ما انمحت

كيف ابنسى وانا اللي من جفاف لسموم

ماحشمت العيون ولا الدموع فلحت

كانها بالحميا كل ربعي قروم

لو يلدون لاصعاب الظروف صلحت

اجزم ان كنت ياقلبي شجاع وجزوم

لد لعيون بنتٍ لا التفت الفحت

ماتهين البخيل الا يدين الخدوم

دام كف الخطايا بالجفا لوحت

نطح الباس باس ونطح اللوم لوم

وان تهدت تهد وصيح ان صيحت

ياتعيش بمعزه ياتموت محشوم

ودك ان الليالي لافعلت امدحت

عمر ضعف الاراده مايسر الرخوم

ضربت السيف لوبيدين الشجاع ذبحت ..

================================================== ==

يجيني يوم واعطيها :

انا ما اخطيت في حقك ولكن الكلام عتاب

أعاتب والعتب كلمة تفسرها معانيها
اعاتب واحسب بهرجي الا مني حكيت حساب

وكلمه يستحي منها لساني يبتدى فيها
واذا انت من العتب تزعل علينا وابتصك الباب

ترى ما نيب قاصدها ولاني فيك ناويها
ولا ودى على الفرقا وقلبي داخلي مرتاب

اشوف ان الهوى خدعة واشوف القلب راضيها
واشوف ان الهوى فرقا مواليف وعناد احباب

واشوف ان الجفا خطوة ولاني قادر اخطيها
وقلبي لو عشق يخلص ولو طالت عليه رقاب

وتشهد له دروب الحب حاضرها وماضيها
عشقنا والهوى حسرة،مشينا ولاأمل كذاب

بدينا نانبني منها قليل من بلاويها
عرفت الحب من عمري صغير بالغرام وشاب

وقلبي للحبيب اكبر من الدنيا وما فيها
صحيح انى نويت ابعد ولكن الهوى غلاب

وهي رحلة بديت بها ولا ادري كيف بنهيها
تحريتك شروق الشمس وشفتك للشروق غياب

ولا اضنك تبيع العشره اللي كنت شاريها
بقى لي بالهوى نظرة وتغريبة ودمع اهداب

وقصة بترك لسانك على العذال يرويها
واناجي باقي حروفي وبألف للفراق كتاب

قصايد تملي اوراقي ارددها واغنيها
واذا مرتني الذكرى وجرحي بالحشا ما طاب

بتبعدني وتدنيني وببعدها وابدنيها
وانا عيب علي اشكي من الدنيا بدون اسباب

مدامي ما خذ منها يجيني يوم واعطيها ..

================================================== ==

الشعراء :
مابقى الا سود الايام تحرمك الرقاد

كيف الاوهام اتجرأ اتسريك مغبون

من متى تجزع من الدمع وتخاف البعاد؟

من متى تقفي بك ظنون وتجيبك ظنون؟

صرت تاخذ كذبتي صدق، ومزاحي وكاد

لو بقول اني بخونك تحسب اني بخون

ماتعرف ان كل شاعر يهيم بكل واد؟

وانهم دايم يقولون مالا يفعلون؟

ابك انا لاقلت ابنساك وانكرت الوداد

والله اني مانسيتك وولاهم يحزنون

من جزع من صفعة الشمس يطمع بالبراد

ومن فقد وجهاته الخمس يلقى بك ركون

اعتبرها هفوة انسان او كبوة جواد

لو بتسمح فانت غالي ولو تجرح تمون

عد صداتك مروة وطعناتك ضماد

خلهن لاراحن طعون ولا ردن طعون

خنجرك يستاهل الطعن ومتوني شداد

ومنك يازين الخناجر ويا بخت المتون

ردلي حنية المزح باحساس الجماد

خلنا واحد يجي صلب والثاني حنون

موت فيني واندفن فيك بثياب الحداد

وان حييت أموت لرضاك واحيا بك بهون

مره ارقد بالكفن وانت ترقد بالمهاد

ومرة ارقد بالمهد وانت ترقد بالكفون

ادري ان شجونك شجون واعنادك عناد

والبلا ان عنادك عناد وشجونك شجون

ربك اللي سخرك لي تقود وما تقاد

والله الخالق ولله في خلقه شؤون

ازرع ضلوعي من رضاك وابشر بالحصاد

لعنبو من جيت ترضيه وترد امحزون

بس تسوالك بلد ؟ قول تسوالك بلاد

انت كل العالم بكون ولحالك بكون

مابعد محبتك حب ومرادك مراد

غير كونك سيد حشاي تدري من تكون ؟

نعمتين اختصوا الخلق من جود الجواد

كافل الأرزاق من حيث مالا تعلمون

البنون ونعمة المال بعيون العباد

زينة الدنيا بلا شك في كل العيون

مثل زينة دنيتي بس عندي شي زاد

من عرفتك صاروا المال وانت والبنون

انتشي بك نشوة التيه لعناق الرشاد

وافزع الك فزعة القرم لشهاب الزبون

واحصنك تحصين الأرزاق عن درب الفساد

واعشقك عشق المظاليم لفراق السجون

لو تزيد الشوق جمرة تحولني رماد

لو يزيد العشق شعرة بوصل للجنون

خل هقواتك كبيرة ونظراتك بعاد

كانك انت بكبرك تهون من اللي ما يهون ؟

ازعلك وارهن حياتي تحت رحمة زناد

تهبى لا والله الا انت والموت تهبون

عاد اذا ما ارضاك هرجي ولا اللي قلت فاد

اننا لله وانا اليه راجعون

وانت باكر بتعرف على ناس جداد

والكلام يجيك من كل شكل وكل لون

لاتحسب ان كل كلمة بتسمعها وكاد

ولا تصدق هرج شاعر وتخدعك الظنون

دايم اعرف كل شاعر يهيم بكل واد

وان هم دايم يقولون ما لا يفعلون

حتى انا اللي قلت اعشقك وما اطيق البعاد

يمكن اطلع ماعشقتك .. ولا هم يحزنون

================================================== ==

الاولي والتالي :

جا نهار ما رحمتني جيته وقدومه

شفت فيه الناس واجد واقفين اقبالي

كنت احسب انها حقيقة والعرب ملمومه

وقمت افضفض عن همومي واشتكي غربالي

ويوم زال الحزن عني وانجلا بغيومه

واثرني ما غير اسولف بالخلا بلحالي

من عذابي قمت اعزي قصة مرحومة

ولعت بيدين خلي وانطفت بهمالي

قصةٍ لدت عيون صويحبي من نومه

يوم شلت الموت بيدي وابتلوا عذالي

ما رضيت اكسر غلاي وما قدرت ارومه

وعاذلي ما صد عني وما قوى منزالي

إبتليته لين جتني خنجر مسمومة

وابتلاني لين جاب الاولى والتالي

والله انه ما عذلني لين شق هدومه

ولين خانتني عزومي وانكسر تمثالي

والا انا ما كنت ابين لا أمطرت ديمومة

بالمدامع من فراق المخلصين امثالي

كنت اوقف واتذكر نفخة اليشمومة

واذكر اني كنت غالي في عيون الغالي

واحد كانت نسايم سيرته بسمومه

وكان كل ما شاف ظلمي بالهوى يلجالي

ذاك والله كل ما أرسل في حشاي سهومه

انتهى ليل السكينة وأبتدا زالزالي

ووالله اني كل ما اسمع سيرته وعلومه

قمت اشوف الموت الاحمر واقف بظلالي

واشهد اني كل ما اسهى وافتكر برسومه

وما وعيت الا وانا ارمي غترتي وعقالي

ليت ربي يحتميه ويحرسه ويدومه

يومه اقرب من عروقي للجسد بوصالي

وليتني لما عرفته ما عرفت خصومه

وما وقعت بظلم ناس ماوراهم والي

العذول اللي حرمني حاجة مقسومة

ليه يحرمني قهوتي(والدلال دلالي)؟

وليه يسأل في غرامي وان بغيت اسومه؟

دام صار الجيب جيبي والريال اريالي

والله ان العشق شي يستحق القومة

واشهد ان عيون خلي تستحق افعالي

يكفي انه لا نظرلي نظرة محشومة

يرتجف كفي ويوقع من يدي فنجالي

وان لمحت بطرف عينه دمعة مكتومة

جيت كلي من عذابي عالي متعالي

وان تبوسم لي بعينه والشفا مضمومة

والله ان مدري وش اللي بعدها يجرالي

ليت يومي قبل يومه أو معاه بيومه

وليت حاله غير حالي دام هذا حالي

إن غفيت الليل جتني بالمنام حلومه

وان صحيت الصبح ناسي سيرته يطرالي

والله ليبطي وعيني تسهره وتقومه

والله ليبطي عذولي ما يفك حبالي

دامني لا زلت احبه واعشقه بهمومه

بذكره مع كل خطوة حللت ترحالي

بذكره مع كل ليلة مظلمة مشؤومة

نزلتني في حشاه ورفعت منزالي

وبذكره مع كل دمعة نوخت بكمومه

وعلمتني بان قدري في غرامه عالي

وبذكره مع كل نظره بائسة مظلومة

حسستني بانه اخر من نوى يصفالي

وبذكره كا ما نسيته وان ذكرت سلومه

قمت اشوف الناس واجد واقفين قبالي

وان حسبت انها حقيقه والعرب ملمومة

ما تحكمت بسكوتي لين طال جدالي

ويوم زال الحزن عني وانجلا بغيومه

واثرني لا زلت اسولف بالخلا بالحالي

================================================== =

ادلعها واولعها :

بعد ماقابلتني عاتبوها

على شوف الحبايب حاسبوها

خذوها وأبعدوها غصب عني

وعن وجهة طريقي جنّبوها

وشالوها عن عيوني غصيبه

عواذل وأغصبوني وأغصبوها

خذوها من يديني شوف عيني

وعن عيني تعدّوا وأحجبوها

كلام وصدّقوا بالبنت كذبه

وهم اللي من أول كذّبوها

وهم وشدخلهم في مال بيّن

لبوها والخلايق طالبوها

وفيّه لاتخون ولاتعاند

جسوره والمواعيد أرعبوها

ملاكٍ كامله والكامل الله

ولكن العواذل عذربوها

وهي كلما دعتني تشتكي لي

عن اللي سالفتنا سرّبوها

تخاف وتلتفت مع كل كلمه

تظن أن العواذل راقبوها

تلفّت من عقب ماهي جريئه

شجاعه ماتهاب وهيّبوها

وأهدّيها وأنا حاير وثاير

مصيبه ياعذابٍ عذبوها

وهم كلما خذوها عن طريقي

تراهم صوب قلبي قرّبوها

وأنا ماتعّبت قلبي خيانه

خيانه رتّبوها وأحسبوها

ولا يعجز خفوقي لايقابل

جفا من حاربوه وحاربوها

وأنا لي عزّة ٍ تفرض عليّه

أخاطب بالجفا من خاطبوها

وأكسر لوحة الماضي وأزيله

وأخرّبها مثل ماخرّبوها

وأذوّقهم ندم ماصار فيها

وأشرّبهم من اللي شرّبوها

وأدلّعها وأولّعها بنفسي

وأشرٌّقها بعد ماغرّبوها

وأعوّضها عن اللي راح كله

وعن ذيك الليالي كلّبوها

غلاها بالحشى لازال ثابت

ولو حتى بغيري حبّبوها

وغلاي بقلبها مرّ وتعدى

غلاها لأمها ولا لأبوها

================================================== ==

الدعاء المستجاب :

اشرق نهار ابوظبي واكتأبت بلاد الضباب

وابتلت ارياق الدعا شكر ونحيب ومعمعه

صحيح ما رد القضاء الا الدعاء المستجاب

ولا تهز المسلمين الا الظروف المفزعه

الله خلق للضيق باب وللفرج مليون باب

ينزل بلاه اليا اشاء ولو اشاء بيرفعه

ما يكتب لمؤمن ضرر الا وله اجر وثواب

ياشيخ ربك ما يضر المؤمن الا ينفعه

البارحه كشّر علي من الوله مليون ناب

واختر للدرب الشراع اللي هبوبك تدفعه

ولا دريت اني سريتك لين شدّدت الركاب

من الكويت ولا حللت الا على رحب وسعه

من لا حزم امتعه ولا اتنقالي ثياب

فزيت لا ماخذ ثياب ولا ذكرت الامتعه

دام الطريق لهامتك لوهو ذهاب بلا اياب

لأجل افرح بسلامتك ماقطع طريقك وارجعه

ياشيخ لو ان البكى يشفي من العلّه مصاب

ما ظل واحد بالجزيره ما تفجر مدمعه

من لا جزع من غيبتك ما عاد يجزع من غباب

ومن لا تزعزع من مصابك ماحدٍ بزعزعه

ان طحت طحنا كلنا وان طبت كل الشعب طاب

نفس المصير اللي جرعته كلبونا نجرعه

اللي يقاسمنا الضما بنقاسمه طرد السراب

واللي يحس بجوعنا لامن شبعنا ِنشبعه

الله خلقنا للظروف المفزعه خوّة ذياب

ولا تبان الخوّة إلا بالظروف المفزعه

لو يحصل (لزايد) مصاب نشاركه نفس المصاب

ما نتركه يدفع ثمن إلا نتسابق ندفعه

نغضب مدام انه غضب . ننهاب مادامه مهاب

نضر من ضره ونخدع من يحاول يخدعه

لأنه قريب لفرحنا نبقى لأحاسيسه قراب

امّا سكن بضلوعنا وإلا سكنّا بأضلعه

نحضر معاه اليا حضر ونغيب له مادام غاب

وإن قام قمنا كلنا وإن فز فزينا معه

إن ما اكتأبنا من غيابك.من يعرف الاكتآب

واذا الخليجي ما سمع صوتك اجل من يسمعه؟

ما شاب حبّك للعمل وانت بسواعدنا شباب

ياشيخ ماتفقد امل طاع الزمن وإلا طعه

خذنا رقابٍ من ذهب وإضرب ولا تحسب حساب

نفداك رد اللي ترده واقطع اللي تقطعه

وشلون يركبنا الخطى وبطاعتك عين الصواب ؟

كيف يتعداك العطى وانت إنخلقت بمنبعه

مخاطبك يا سيّدي ماهو بحيالله خطاب

ومثلي مهو بكل القصيد اللي بمدحك يقنعه

ماجيك وجه لوجه مابيني ولا بينك حجاب

إلا اجمع الك اللي يعجز الجن الازرق يجمعه

ماحب أوصّفك بشطر من غير ما اشقّق كتاب

ياشيخ انا ما ابدعت شي.اوصافك انت المبدعه

شوف الرجال وشوف نفسك.ويش جاب لويش جاب؟

هو فيه احد بالكون كله يصنع اللي تصنعه؟

شف وانت واحد بالبلد واسمك يعيش بكل شاب

وشلون اجل لوفيه مثلك بالامارات اربعه؟

لو ما انخلقت انسان.لايمكن تكون إلا سحاب

لأنك رفيع ولي عطيت الخير ما تسترجعه

يا ذخر لصعاب الحلول وفخر بحلول الصعاب

يامرجع شموخ المراجل يالشموخ بمرجعه

يادرع حكام العرب يا شوق تلعات الرقاب

يانافع الناس بزمانٍ قلّت إبه المنفعه

سلامتك كثر البكا اللي ينزف بدعوة مجاب

وسلامتك كثر الدعا اللي رحمة الله ترفعه

وسلامتك كثر الغلا وكثر الملا وكثر العتاب

وكثر الزهر وكثرالمطر وكثر الشجر وكثر أفرعه

وكثر اللي ما بعده عدد.ولا يوصّل له حساب

وكثر اللي ما اعرفه ولا اسمع فيه.ولا راح اسمعه

سلامتك منّيه الى آخر شبر فوق التراب

سلامتك منّك الى غرب الوجود لمطلعه

من يوم نوّرت الوطن وأكتأبت بلاد الضباب

ماجفّت حلوق الدعا شكر ونحيب ومعمعه

صحيح ما رد القضاء إلا الدعاء المستجاب

ولا تهز المسلمين إلا الظروف المفزعه

================================================== ==

ربتني الدنيا :

أنـا ربـتني الـدنيا عـلى جزل العطا iiوالجود ii

ونـفسي لـلوفا والـطيب وفـعل الخير iiجزامه

وأعـارض منهج الهابط وأوافق للصعود iiصعود ii

وأسـيّر نـفسي بـعقلي مـدام الـنفس iiهـدامه

ولا تـثّر بـي الـبسمة ولا كـحل العيون السود ii

ولا يـقوى عـلى قـلبي صغير الحسد iiوأجسامه

أردّ الـجود بـأمثاله وأقـابل بـالجحود iiجـحود ii

وتـرى لا خـير فـي رجلٍ يوطّي للردى iiهامه

وعـندي مـع أهـل العِليا مواثيق وثلاث عهود ii

أوفــي لـه مـطاليبه وأودّه وأرفـع أعـلامه

أعـايش مـركب الـدنيا على متن القدر iiمولود ii

أبـعرف هـو صـحيح إنّ القدر بالناس دوّامه ؟

ومـن ويـن الـزمن مقبل وإلى وين الليال iiتقود ii

ومـن فـي هـالزمن يـقدر يوجّه خطوة iiأقدامه

ومـن لـه بالزمن غاية ومن عنده هدف iiمنشود ii

ومـن مـنّا قـدر يـعرف خـفايا مقبل أيامه ii؟

عـرفت إنّ الشقا باقي ، عرفت إنّ الحسد موجود ii

عـرفت إنّ الـقدر يـفرض علينا بأسوأ iiأحكامه

لـقينا الـعرب حـاسد وشـفنا بالعرب iiمحسود ii

وبـه نـاسٍ لـنا ضـامت ، وبه بالناس iiمنظامه

ويـنقص بـعضنا خـوّه ويـنقصنا وفاء iiوعود ii

مـدام الـحسد بـاقي وبـعض الـناس iiنـمامه

ولا تـرجى بـها الدنيا من ربوعك يجيك iiاسنود ii

ولا تـشره عـلى رجـلٍ عـيونه خانت iiأقدامه

وقـابل خـطوة بخطوة وجازي بالصدود iiصدود ii

تـناسى غـلطة الصاحب عليك بلحظة iiاخصامه

ولا تـخطي تـرى لصبر الحليم اليا سلاك iiحدود ii

تـروّى واعـرف بـضرب الحديد تفكك iiلحامه

تـجنب كـسرة الخاطر ولو حبل الزعل iiمشدود ii

تـراك بـكسرة الـخاطر حـكمت القلب iiبعدامه

ولا تـزعل عـلى رجلٍ بذل لك ولرضاك iiجهود ii

ولا تـامن مـن الـحاسد رضـاه ورفعة iiابهامه

نـبي نـصبر عـلى الـدنيا قلوبٍ بالحياة iiزهود ii

مـدام إنّ الـبخت عـيّت تـوّفق رمـعة iiسهامه

وأنـا مـا قـلتها راجي ولا أطلب بعدها iiمردود ii

ولـكـن الـفـتى ودّه يـحقق جـملة أحـلامه

وبـمشي لآخـر الـدنيا ولـو كـلّ الأنام iiاقعود ii

وعـن وجـه الـزمن بكشف حقيقه وأرفع iiالثامه

صـحيح إنـي صـغير السن ولكن قدها iiوقدود ii

وأنـا عـندي مـع الـدنيا مـواقف ترفع iiالهامه

طـموحي يـملي الـعالم ولابـه لـلطموح iiقيود ii

مدام إن الأمل طبعي ( عرين وصرت ضرغامه )

خـلقنا الله مـن تـرابه ولأحضان التراب iiنعود ii

تـحت رمـل الـثرى نبقى تغطي جسمنا iiخامه

سـلفنا مـا لـحقناهم تـحت قـاع التراب iiرقود ii

ولا يـبقي مـن الـميت سـوى ذكراه iiوعظامه

ولـو طـال العمر فاني وترى عمر الفتى iiمحدود ii

وكـلٍ يـطلب الـمولى يـبيحه يـحسن iiختامه

وأنـا بـلّغت بـلساني وربـي والأنـام iiشـهود ii

وصـحف الـبيّنة جـفّت وعـنها رفعت أقلامه

================================================== ==

الحلم :

بـوقـت مــن الـبطا،وبليل تـترقص شـياطينه"
"بـعد شـفت الـضيا يـنزع مـن ثياب المسا iiثلثين
تـحـايلت الـمـنام الـلي مـثل بـيتك تـمرينه ii"
"وانـا الـلي مـن تـفارقنا وأنـا ماغمضت لي iiعين
غـريـبة!!كل حـلـم يـمـر بـرقادي تـزورينه"
"والاغـرب..كيف أحـلم الحلم،وارجع واحلمه iiبعدين؟
قـبـل يـومين،شفتك بـالمنام..وقمت مـن iiحـينه!"
"ونـمت أمـس،ورجع نـفس الـمنام اللي قبل يومين
أنـا الـلي قـبل اسـافر شـلت قـلبي من iiشرايينه"
"تـركـته فــي يــدك الأمـانه،واحفظيها iiزيـن
تــرى حـفـظ الأمـانه ديـن..مجبورة iiتـردينه"
" أجـل ، مـافيه أحـد قال لك((حفظ الأمانة iiدين))؟!
مــرد الـمـقفي بـيـلفي..ويستوفي ،وتـوفـينه"
ii"بـعـدلـيـلـه،ثـلاثـه،أربعه،عشره،شهر،شهرين
إذا انـتـي ،مـاانتي بـقد الـكلام الـلي iiتـقولينه"
"حـرام...استامنك حـاجة،وإذا جـيت اطلبك iiتنسين
تـخونين،وتبين أرضـى!..واحد يـرضى iiتخونينه!"
"أنـا لاجـيت أخـونك،مع حبيبة iiثانيه،((ترضين))!
مـن أول مـارجعت مـن الـسفر ماشفت لك iiبينه؟"
"وأنا اللي كنت أحسبك قبل ادوس ارض المطار..تجين
تـكونين أنـتي أول شـخص عـيني تحتضن iiعينه"
"وكـنت أتـخيلك مـن زود فـرحة iiرجـعتي..تبكين
وأشـوف بـدمعتك حـكيك..وأعرفه قـبل iiتـحكينه"
"واجـيب أحـلى مـن الـلي بتحكينه،وأتركك iiتحكين
تـقـولـيـن:الوطن iiنـور..وأقـول:بـنورمضوينه"
"تـقولي لـي:غديت أحـلى،وأقول:عيونك الـحلوين
كـــلام نــام بـشـفاهك..وخفتي iiلاتـصـحينه"
"ذخـرتـيه لـغـرام لـلي يـنام...ويترك تـصحين
تـغـانمتي غـيـابي..لين رجـحـتي iiمـوازيـنه"
"تـعلم مـن يـدك لـمس الـكفوف وعـلمك iiتجفين
ولـيـتك لاقـيـه بــه شـي...فيني iiمـاتلاقينه!"
"مـهو بـغرور..لكن خـابرك مـالك أمـل iiتـلقين
تـغـافلك بـغلا..والإ الـحلا مـهو بـمن iiزيـنه!!"
"تزينه الصور ..بس الصحيح ابن iiالحلال((زوين))!!
وأنــا مـاني بـنقاص عـنه يـوم أنـك iiتـبدينه"
"نـصيبي..هو نـصيبي لـو يـسددها من iiالصوبين
قـنـوع بـمـظهري،والسم مـايـذبح ثـعـابينه ii"
"عـلى قـول الـمثل((ماني حلو..لكني ماني iiشين))!
إذا أهــداك الـزهر مـره،فأنا اهـديتك iiبـساتينه"
" وإذا ألـهاك بـفرح لـيله، فـانا تـهت لبكاك iiسنين
وإذا اسـتـضعفتك أمـلاكـه...وشتتك مـلايـينه ii"
" أنـا حـتى فـتات الـخبزة أقـسمها مـعك iiنصين
طـموحي ،بـس أجـي وأظـفر بـشي iiتـستحقينه"
"تـديـنـتـه،تـسلفته،سرقته،مومهم iiمــنــيـن؟
كـأني مـن كـثر مـاارضى بـكل الـلي تـمنينه ii"
" لـو انـك تـطلبين الله ..يـعنيني، بـقول iiآمـين
أنـا مـاالعب عـلى الـحبلين،وقت الطيش iiوسنينه"
"تـبين الـحين يـوم أني كبرت العب على iiالحبلين؟!
تـرى عـند الـبدو بـالذات((عيب اللي iiتسوينه))!!"
"حـلاتـك لاعـشـقتي..تعشقيني لـيـوم iiالـديـن
غـرامٍ نـسكن ضـلوعه...حشيمه مـن مـجانينه ii"
"جـفـا،يجمع مـعـزتنا...ولاعشق يــذل iiأثـنين
كـثـار الـلـي تـحـدوني وقـالـولي ii:تـحبينه"
"امـانـه..لاتخليني صـغـير بـعينهم ii((تـكفين))!!
لانـــي كــل iiمـاقـالوا((تخون))..اقول:مسكينه"
"عـلـيك الله وأمـانـه..علميهم مـنـهو iiالـمسكين
أنــا خـايف((لياطاح الـجمل تـكثر iiسـكاكينه))"
"وأنـا مـاعاد بـضلوعي مـكان لـطعنة iiالـسكين
مـثل مـاقالوا(المكتوب واضـح مـن iiعـناوينه))"
"لـو ارحـل مـنك للغربه..بسافر من ظلامك iiوين؟!
كـفـايه..كل حـلـم يـمـر بـرقـادي iiتـزورينه"
"كـفاية...من تـفارقنا..وأنا مـاغمضت لـي عـين
قـبل يـومين شـفتك بـالمنام وقـمت مـن iiحـينه"
"ونـمت أمـس،ورجع نـفس الـمنام اللي قبل يومين

================================================== ==

قالها حامد :

تمادي وأنا مثلك تماديت بهجر iiوبعاد
وكلٍ مثّل عناده خفوقٍ ثابتٍ iiصامد
وإذا عندك بعادي عيد ترى عندي جفاك أعياد
وعسى طول الجفا مني يليّن قلبك iiالجامد
أبضحك وأظهر البسمة ولو إن الجروح iiاجداد
وترى قلب الحريقة ضو ولو وجه الحطب رامد
بكون أكبر من الغلطة وبعلن للهوا iiميلاد
إذا كان الخطا منك مجرّد ثورة الخامد
وإذا كان الجفا منّك مسافات وغلا iiوعناد
تراي أكبر من عنادك وقولي قالها iiحامد

ا

الله الله الله

على الاشعار المنيرة
سلمت يداك يابحر الشوق
شوقتنا لقراءة كل الحروف الذهبية التي خطتها يديك
الف الف الف ومليووووووووون شكر على هذه المشاركة الرائعة
واهلا وسهلا بك معانا بين اخوتك واخواتك
واتمنالك اوقات سعيدة معانا
ومنتظرين المزيد ياورد

ديوان الشاعر حامد زيد ... منقول اللا ستفاده 531159

ديوان الشاعر حامد زيد ... منقول اللا ستفاده 531159

مممممممممممممممممممممممممممممممممممممممممممممممممممممممممممممممممممممم

اشكر مرورك الرائع
يكفيني انك بصفحتي مريت
الود ودي على غير الوقت تلاقينا
كانك من قلبك الكلام اللي عطيت
تلقى لك بوسط قلبي مكانا

۞ عضو فعال ۞ تاريخ التسجيل : 21/05/2009

ديوان الشاعر حامد زيد ... منقول اللا ستفاده 49252

كنت سأحبك اكثر

لو انك الريح

تزور شبابيكي المغلقة على جهاتك..!

كنت فتحت لك نوافذ روحي مواربةً لتعبرها خطاك في سلام

كنت سكنتني دون حرائقِ يضرمها غيابك داخلي

فتحيا البراكين

لو انك الريح !
لكنت علّمتك كيف تغفو بلا ضجيجٍ يحدثه وجودك في قلبي

وكنت قصصت عليك حكايا الحب والاطفال

اهدهد أوجاعك في سرير حناني حتى تنام

أهمس لقلبك أناشيداً حفظت لحنها من موج البحار

لو انك الريح...!

لكنت لهبوبك طاحونة هواء

أوزّع أجزاءك داخلي كيفما أشاء

أجمع من كلّ نسمةٍ تأتيني منك في صندوق قلبي الصغير

أوزعها فوق المروج والحقول الغافية لأوقظ بذكرك الزهور وسنابل القمح والعصافير

أدقّ بصوتك اجراس الكنائس

ليبدأ العيد

أسقي بدمعك صحاري الزمان

لتنبت واحاتٍ يتعمّد بطهرها المشرّدون

لو انك الريح!

لكنت لمرورك شمس

في برد الحياة تأتيك

جئتك الإن لأقول

يا سيد فصول حياتي الأربعة

لا تكترث وانت معي لعبث الفصول

حبك اجتاحني من جهاتي الأربعة

ولأنك العاصفة التي هبّت على عمري بلحظةٍ

لم احبك يوماً بهدوء الريح

فقد احببتك بجنون زوبعةٍ كل يومٍ

أكثر ..فأكثر ...فأكثر

اهلا وسهلا بك معانا

وبمشاركاتك الجديدة والجميلة
بداية رائعة وموفقة

لا تحرمنا من جديدك اخي بحر الشوق

ديوان الشاعر حامد زيد ... منقول اللا ستفاده 952611

ديوان الشاعر حامد زيد ... منقول اللا ستفاده 952611

اشكر مرورك الجميل

كنت سأحبك اكثر

لو انك الريح
ارجوك خل عنك بعض امالك واجمع التفكير
انا ريح لكن نسمتي على العشاق والله شديده
الف دنياك وارسمك بعالمي واصورك تصوير

نظرتك عن نظرتي في وجه التشابه الملامح بعيده